«Уйда ёлғиз» филмидаги ҳовли 5,5 миллион долларга сотилди
АҚШнинг Иллинойс штатида жойлашган ушбу уйнинг собиқ эгалари бинони эски кўринишини сақлаб қолган ҳолда таъмирлашган.
2012 йилдан бери ушбу машҳур уй Тим ва Трисия Жонсонларга тегишли эди. Эр-хотин уни 1,5 миллион долларга сотиб олишган. 2018 йилда улар уйнинг ташқи кўринишини сақлаб қолган ҳолда таъмирлашди. Ўтган йилнинг май ойида эса уйни сотиш ҳақида эълон берилди ва эълон берилганидан бир неча ой ўтиб 5,5 миллион долларга сотилди.
Уйда бешта ётоқхона, олтита ҳаммом, кинотеатр ва ёпиқ спорт майдончаси бор.
«Уйда ёлғиз» филмининг биринчи қисми 1990 йил 10 ноябрда намойиш этилган.
Ушбу филм туфайли катта мшҳурликка эришган актёр Маколей Калкин ҳозир 44 ёшда. 2024 йилда унинг бойлиги 18 миллион долларга баҳоланган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter