Путин музокаралар бўйича Трампга жавоб қайтарди
Россия президенти Владимир Путин мамлакат Украина можароси бўйича музокараларга тайёр эканини айтди. Президент Украина расмийларининг ўзлари Россия билан музокара олиб боришни тақиқлаганини эслатди.
Путиннинг сўзларига кўра, у АҚШ президенти Доналд Трамп билан учрашиб, бу масалани муҳокама қилишга тайёр.
“Дарҳақиқат, бугунги кун воқелигидан келиб чиққан ҳолда учрашиб, АҚШ ва Россия учун қизиқ бўлган барча соҳалар бўйича хотиржам суҳбатлашганимиз маъқулроқ бўларди. Биз тайёрмиз", деди президент журналист Павел Зарубинга берган интервюсида.
Президент матбуот котиби Дмитрий Песковнинг маълум қилишича, Кремл Оқ уйдан мулоқотга тайёрлиги ҳақида ҳозирча ҳеч қандай сигнал олмаган.
Эслатиб ўтамиз, аввалроқ Трамп урушни тугатиш учун нефт нархини кескин тушириб юборишга ҳаракат қилишини айтганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter