БМТ бош котиби: «Дунё Ливаннинг яна бир Ғазога айланишига йўл қўймайди»
БМТ бош котиби Антониу Гутерриш жума кунги баёнотида Исроил ва Ливаннинг «Ҳизбуллоҳ» ҳаракати ўртасида зиддият кескинлашиб бораётганидан жуда хавотирда эканини билдирди.
Гутерриш БМТ тинчликпарвар кучлари вазиятни тинчлантириш ва издан чиқиб кетмаслиги устида ишлаётганини маълум қилди.
«Бир шошилинч қарор, биргина хато ҳар қандай чегара, ҳатто тасаввур доирасига сиғмайдиган фалокатга олиб келиши мумкин. Очиғини айтайлик, минтақа ва бутун дунё халқлари Ливаннинг яна бир Ғазога айланишига йўл қўймайди», — деди у журналистларга.
Исроилнинг Haaretz газетаси ёзишича, Иcроил Ғазо секторидаги жанговар ҳаракатларини тўхтатиб, Ливан билан эҳтимолий урушга тайёрланмоқда.
Газета маълумотига кўра, Исроил армияси бир неча ҳафтадан сўнг Рафаҳга ҳужумларни тўхтатиб, операция якунланганини эълон қилмоқчи.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter