Netanyaxu garovga olinganlarni ozod qilish uchun HAMAS oldiga ultimatum qo‘ydi. 

Isroil Bosh vaziri Binyamin Netanyaxu, agar HAMAS guruhi anklavda garovga olinganlarni shanba kuni (15-fevral) tushga qadar qaytarmasa, Isroil armiyasi G‘azo sektoridagi janglarni qayta boshlashini aytdi.

«Agar HAMAS shanba kuni tushdan keyin garovga olinganlarni qaytarib bermasa, o‘t ochishni to‘xtatish rejimi tugaydi va XAMAS nihoyat mag‘lubiyatga uchraguniga qadar armiya shiddatli janglarni davom ettiradi», dedi Netanyaxu harbiy Vazirlar Mahkamasi a’zolari bilan uchrashuvdan so‘ng e’lon qilgan bayonotida.

Avvalroq AQSh prezidenti Donald Tramp HAMASdan barcha garovga olinganlarni shanba kuni tushgacha ozod etishni talab qilgan edi, aks holda u G‘azo «jahannam»ga aylanishi bilan tahdid qilgan. «HAMAS nima demoqchi ekanligimni tushunadi», dedi u.

Bir kun avval jangarilar Isroil o‘t ochishni to‘xtatish kelishuvi shartlariga rioya qilmayotganini e’lon qilib, asirdagi isroilliklarni garovga olish va ularni falastinlik asirlarga almashtirishning navbatdagi bosqichini kechiktirish bilan tahdid qilgan edi. Isroil, XAMASning harakatlari kelishuvni buzganini aytdi.