Suriyada «Al-Qoida» qo‘mondoni yo‘q qilindi
AQSh askarlari Suriyada «Al-Qoida» guruhining yana bir yetakchisini yo‘q qildi.
Tashkilot bo‘limi yetakchisi Muhammad Yusuf Ziya Talaiy AQSh Markaziy Qo‘mondonligi (CENTCOM) kuchlari tomonidan uyushtirilgan havo hujumida o‘ldirildi.
Press-relizda aytilishicha, bu harakatlar Markaziy qo‘mondonlikning terrorchilik rejalarini yakson qilish harakatlarining bir qismidir.
-Biz o‘z vatanimiz va AQSh xodimlari, ittifoqchilari va mintaqadagi hamkorlarini himoya qilish uchun terrorchilarni tinimsiz ta’qib qilishda davom etamiz, — dedi AQSh Markaziy qo‘mondonligi qo‘mondoni general Maykl Erik Kurilla.
Yanvar oyidan beri Markaziy qo‘mondonlik ushbu tashkilotning bir qancha yuqori martabali rahbarlarini yo‘q qildi. Havo hujumlari 2025-yilning yanvar va fevral oylarida amalga oshirilgan.
AQSh prezidenti Donald Tramp Markaziy qo‘mondonlik va general Kurillani tabriklagan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter