Uzbekistan Airways parvozlarini Eron va Iroq osmonini aylanib o‘tgan holda davom ettiryapti
Uzbekistan Airways fuqaro havo kemalari parvozlarining xavfsizligini ta’minlash maqsadida, muntazam parvozlarini 2024-yil 2-oktyabrdan boshlab Iroq havo hududi va Eron havo hududining g‘arbiy qismini aylanib o‘tgan holda amalga oshirishini ma’lum qildi.
Qayd etilishicha, ushbu qaror Fuqaro aviatsiyasi agentligining ko‘rsatmasiga muvofiq qabul qilingan va aniq ko‘rsatmaga qadar davom etadi.
Ta’kidlanishicha, aviakompaniya parvozlarning maksimal xavfsizligini ta’minlash uchun muqobil yo‘nalishlardan foydalangan holda Toshkent - Tel-Aviv - Samarqand/Toshkent yo‘nalishi bo‘yicha muntazam aviaqatnovlarni ham amalga oshirishda davom etadi.
Eslatib o‘tamiz, kecha, 2-oktyabr kuni «Flynas» va «Qeshm Air» Yaqin Sharqdagi vaziyat sabab O‘zbekistonga parvozlarni vaqtincha to‘xtatgani xabar qilingan edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter