Ispaniyada dinozavrning yangi turi topildi
Portugaliyaning Lissabon universiteti paleontologlari Ispaniyaning Kuenka shahri yaqinidagi Lo-Ueko manzilida zauropod-dinozavrlarning yangi turini topishdi.
Qadimiy kaltakesak kunkazavr (Qunkasaura pintiquiniestra) deb nomlandi.
Communications Biology jurnali yozishicha, kunkazavrlar bo‘yni va dumi uzun to‘rt oyoqli o‘txo‘r dinozavrlar (zauropodlar)ga mansub. O‘z navbatida, kunkazavrlar zauropodlarning titanozavrlar turiga kirishi eslatib o‘tilgan.
Kunkazavrlar bo‘r davrida — 73-75 mln yillar avval yashagan, Pireney yarimorolida keng tarqalgan. Topilgan suyaklar dinozavrning bo‘yi besh metrdan oshganligini ko‘rsatmoqda.
Yaqinda nemis paleontologlari qirg‘iz hamkasblari bilan birgalikda Qirg‘izistonda yangi turdagi dinozavr qoldiqlarini topib, unga Alpqoraqush deya nom berishgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter