«Google Photos» foydalanuvchilari soni 1 mlrd.dan oshdi
Fotosuratlarni saqlash va tahrirlash imkonini beruvchi «Google Photos» ilovasining mijozlari soni to‘r t yil ichida 1 mlrd. nafardan oshdi. Bu haqda «Fast Company» jurnali xabar berdi.
«Google Photos» servisi 2015-yili yo‘lga qo‘yilgan bo‘lib, androidli smartfonlarga mo‘ljallangan. Uning eng katta ustunliklaridan biri foydalanuvchilarning cheklanmagan miqdordagi fotosuratlarini bulutli saqlovxonalarda saqlab berishi edi.
Eslatib o‘tamiz, «Google Photos» servisi «Google» kompaniyasining bir milliarddan ortiq inson foydalanayotgan 9-xizmatidir. Bungacha ushbu dovonni «Android», «Chrome», «Gmail», «Google Drive», «Google Maps», «Google Play», «YouTube» hamda «Google» qidiruv tizimi ishg‘ol qilgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter