Zomin aeroporti vaqtincha yopildi
Jizzax viloyatida joylashgan Zomin aeroporti ish faoliyati vaqtincha to‘xtatdi. Respublika Gidrometeorologiya xizmati mazkur xabarni tasdiqladi.
«Haqiqatdan hozirgi kunda Zomin aeroporti yo‘lovchilarga xizmat ko‘rsatishi to‘xtatilib turibdi. Mazkur aeroportda katta aviabortlarni qabul qilish bo‘yicha ikkinchi bosqich ta’mirlash va qayta jihozlash ishlari amalga oshirilmoqda.
Shu bilan birga, meteorologik qurilmalarni ham modernizatsiya qilish ishlari amalga oshirilayotganini ma’lum qilamiz. Zomin aeroportida yuqorida ta’kidlab o‘tilgan ishlar yakunlanishi va aeroport yo‘lovchilarni yana qabul qilishni boshlashi haqida xabar beramiz», deyiladi xabarda.
Eslatib o‘tamiz, Zomin aeroporti 2023-yil 1-sentyabrda ochilgandi. Aeroportdan poytaxt Toshkentga muntazam reyslar amalga oshirilib kelinayotgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter