Sobiq vazir yetti yilga qamaldi
![Sobiq vazir yetti yilga qamaldi](https://static.xabaruz.com/crop/2/9/920__95_2939880134.jpg)
Uy-joy kommunal xo‘jaligi vaziri (2017-2021 yillar) va Nurafshon shahar hokimi (2021-2023 yillar) lavozimida ishlagan Muzaffar Soliyev 7 yilga qamaldi.
Sud hukmiga ko‘ra, u Jinoyat kodeksining 167-moddasi (O‘zlashtirish yoki rastrata yo‘li bilan talon-toroj qilish) «a» va «v» bandlari, 209-modda (Mansab soxtakorligi) 2-qismining «a», «b» bandlarida nazarda tutilgan jinoyatlarni sodir etganlikda aybli deb topilgan.
Muzaffar Soliyev 3 yil mansabdor va moddiy javobgar shaxs lavozimida ishlash huquqidan mahrum qilingan va uzil-kesil 7 yil muddatga ozodlikdan mahrum qilingan. Jazoni umumiy tartibli koloniyalarda o‘tattirish belgilangan.
Eslatib o‘tamiz, bir yil muqaddam Muzaffar Soliyev ishdan olinib, javobgarlikka tortilishi mumkinligi xabar qilingandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter