Саудия Арабистони яна бир футбол юлдузига кўз тикмоқда
Саудиянинг «Aл-Иттиҳод» футбол клуби Мадриднинг «Реал» клуби ҳужумчиси Карим Бенземага ҳар бир мавсумга 100 миллион евродан икки йиллик шартнома таклиф қилди.
Бу ҳақда журналист Фабрицио Романо Твиттерда хабар берди.
Қайд этилишича, Саудия клуби раҳбарияти яқин орада ҳужумчидан жавоб кутмоқда. Бензема бу ҳақда «Реал» президенти Флорентино Пересни хабардор қилган.
Бензема Мадридда 2009 йилдан бери тўп суради. Ҳужумчининг клуб билан амалдаги шартномаси 2023 йилнинг 30 июнида тугайди. Агар шартнома узайтирилмаса, Бензема эркин агентга айланади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter