«Роналдунинг қайтиши хато бўлганди»: собиқ мураббий тан олди
«Манчестер Юнайтед«нинг собиқ бош мураббийи Оле-Гуннар Сулшер португалиялик ҳужумчи Криштиану Роналдуни жамоага қайтариш хато бўлганини тан олди.
«Бу барчамиз учун нотўғри танлов бўлганди, эҳтимол. Аммо ўшанда биз буни тўғри қарор деб билгандик. Киран Маккенна (Сулшернинг ўша пайтдаги ёрдамчиси) дарҳол айтганди: Биз қандай ҳимояланамиз?», дея Сулшернинг сўзларини келтиради NRK.
Роналду 2021 йилнинг ёзида «Ювентус»дан «Манчестер Юнайтед»га қайтган ва 2022 йилнинг ноябригача ўйнаган. Бир ярим мавсум давомида португалиялик 54 та ўйин ўтказиб, 27 та гол урди ва 5 та голли узатмани амалга оширди. Бунгача Роналду 2003 йилдан 2009 йилгача манкунианликлар сафида ўйнаган эди.
2023 йилнинг январида Роналду Саудия Арабистонининг «Ал-Наср» клуби билан шартнома имзолади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter