Италиялик машҳур футболчи вафот этди
Италия терма жамоасининг собиқ ҳужумчиси Сальваторе Скиллачи вафот этди. У 59 ёшда эди.
1990 йилги Жаҳон чемпионатининг энг яхши футболчиси сўнгги йилларда йўғон ичак саратонидан азият чекаётган эди.
Скиллачи «Ювентус», «Интер» ва Италия терма жамоасидаги ўйинлари билан танилган. 1990 йилги жаҳон чемпионати унга шуҳрат келтирди. У турнирнинг энг яхши тўпурари ва энг яхши ўйинчисига айланди, гарчи мусобақа бошланишидан олдин у терма жамоанинг асосий ҳужумчиси сифатида кўрилмаган эди.
Бироқ захирадан майдонга тушганидан сўнг биринчи ўйинда гол уриб, кейинчалик асосий таркибдан жой олади ва олтита гол билан турнир тўпурари бўлади.
Скиллачи 33 ёшида доимий бел оғриғи туфайли футболдан кетади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter