Ирландиялик боксчи чемпионлик жангидан бир ҳафта ўтиб вафот этди
Ирландиялик боксчи Жон Куни чемпионлик жангида жароҳат олганидан бир ҳафта ўтиб, 28 ёшида вафот этди, деб хабар берди The Guardian.
Куни 59 кг вазн тоифасида чемпионлик камарини ҳимоя қила олмади. Унинг 1 феврал куни уэлслик Натан Хоуеллс билан кечган жанги тўққизинчи раундда тўхтатилди.
Куни интракраниал қон кетиши туфайли реанимацияга ётқизилган ва операция қилинган. Бироқ у бир ҳафтадан сўнг касалхонада вафот этди.
Куни 2023 йили чемпионлик камарига эга чиққач, қўлидан олган жароҳати туфайли бир йил бокс билан шуғулланмади, аммо 2024 йил октябр ойида танзаниялик Тампела Махарусини мағлуб этиб, камарини ҳимоя қилганди.
Умумий ҳисобда Куни 11 ғалаба ва битта мағлубият қайд этган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter