Евро-2024: Испания Хорватия устидан ишончли ғалаба қозонди
Футбол бўйича Европа чемпионати В гуруҳидан ўрин олган Испания ва Хорватия ўртасидаги 1-тур ўйини якунига етди.
Ўйиннинг тақдири биринчи таймдаёқ ҳал бўлди. 29-дақиқада Алваро Моратанинг голи Испания терма жамоасини олдинга олиб чиқди. Орадан уч дақиқа ўтиб Фабиан Руис ўз голи билан орадаги фарқни катталаштирди. 45+2-дақиқада Ламин Ямалнинг узатмасини Даниэл Карвахал хорватлар дарвозасига жойлаб қўйди.
Иккинчи тайм тенг курашлар остида ўтди. Испания дарвозасига белгиланган пеналтини хорватлар голга айлантира олишмади.
Евро-2024. В гуруҳи. 1-тур
Испания — Хорватия 3:0
15 июн, «Олимпиаштадион, Берлин
Голлар: Мората (29), Руис (32), Данэл Карвахал (45+2).
Бугун оқшом, соат 23:59 да В гуруҳидаги иккинчи ўйинда Италия ва Албания куч синашади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter