2024 йилги ёзги Олимпиада чемпионлари эртага Тошкентга етиб келади
Парижда ўтган 2024 йилги ёзги Олимпиадада тарихий натижа кўрсатиб, Ўзбекистон шарафини муносиб ҳимоя қилган, юрт байроғини кўкларга кўтарган мамлакатнинг олтин авлоди 12 август куни куннинг иккинчи ярмида Ўзбекистонга етиб келади.
Президент Шавкат Мирзиёевнинг топшириғига асосан, чемпионлар Тошкент аэропортида (терминал-3) тантанали кутиб олинади.
Айни вақтда чемпионларни муносиб кутиб олиш мақсадида масъуллар зарур тайёргарликларни кўришмоқда.
Қуйида чемпионларнинг кортежи Тошкент шаҳри бўйлаб ҳаракатланадиган йўналиш кўрсатиб берилган.
Расмдаги доира шаклида белгиланган нуқталарда эса юртдошларимиз хавфсизлик чора-тадбирларига қатъий риоя қилган ҳолда чемпионларни ғалабалар билан қутлашлари мумкин.
Эслатиб ўтамиз, Ўзбекистон олимпиадачилари Ёзги Олимпиада ўйинларида тарихий натижани қайд этишди: «ТОП-15 талик»ка кирди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter