Машҳур актёр ҳисобчиси 50 млн долларга чув туширганини айтди
Голливуд юлдузи 84 ёшли Ал Пачино ўз хотиралари тўпланган «Sonny Boy» («Ўғил бола») китобида бир пайтлар фирибгар ҳисобчиси уни 50 млн долларга чув туширганини эслади.
Уни 2011 йилда кўплаб машҳурлар билан ишловчи бу ҳисобчига ишониб бўлмаслиги ҳақида огоҳлантиришган экан.
Ўша йили у Беверли-Ҳиллздаги кошонани ижарага олган; бутун оиласини тўплаб Gulfstream 550 самолётида Европага саёҳат қилган; Лондондаги Dorchester меҳмонхонасининг бир қаватини ижарага олган эди.
«Ҳеч вақосиз қолгандим. 50 млн долларимдан бир чақа қолмаганди. Кўчмас мулким бор, аммо пулим йўқ эди», — деб ёзди актёр.
Ал Пачинонинг айтишича, кино бизнесида «битта филм учун тўланадиган 10 млн доллар гонорар — 10 млн доллар эмас». Бу пулдан агент, юрист, пиарчи ва солиқ органи ўз улушини олади.
Актёрнинг чўнтагига 10 миллионнинг 4,5 миллиони келиб тушади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter