Андижон ва Бухорода долларфурушлар қўлга олинди
Бош прокуратура ҳузуридаги Департаментнинг Жалақудуқ ва Шаҳрихон тумани бўлимлари ҳамда ИИБ ходимлари ҳамкорлигида тезкор тадбирлар ўтказилган.
Унда валюта айирбошлаш билан шуғулланиб келган фуқаролар Х.Ю. ва Х.М. жами 3 800 АҚШ долларини 49,4 млн сўмга, фуқаро А.Ф. 3 700 АҚШ долларини 48,5 млн сўмга сотган вақтида ашёвий далиллар билан ушланганлар.
Шу каби, Департаментнинг Жондор тумани бўлими томонидан ўтказилган тезкор тадбирида валюта айирбошлаш билан шуғулланиб келган М.Б. фуқаро М.Х.га 3 200 АҚШ долларини 41,1 млн сўмга сотиб олган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter