Икки президент «Хива гиламлари» комбинатида бўлди
![Икки президент «Хива гиламлари» комбинатида бўлди](https://static.xabaruz.com/crop/8/2/920__95_82510937.jpg)
Президент Шавкат Мирзиёев ва Президент Садир Жапаров «Хива гиламлари» комбинатида бўлди.
2020 йилда ташкил этилган мазкур корхонада йилига 4,2 миллион квадрат метр гилам ва гилам маҳсулотлари ишлаб чиқарилиб, Хитой, Россия, АҚШ, Қозоғистон ва МДҲнинг бошқа мамлакатларига экспорт қилинмоқда.
Европанинг етакчи давлатлари технологияси билан жиҳозланган замонавий комбинатда бугунги кунда 750 киши меҳнат қилмоқда.
Президентлар корхонанинг ишлаб чиқариш жараёни ва шоурумини, шунингдек, комбинат ҳудудида ташкил этилган «Made in Uzbekistan» бренди остидаги саноат маҳсулотлари кўргазмасини кўздан кечирдилар.
Тегишли вазирлик ва идораларга ўзаро тажриба алмашиш, кооперация ва савдони ривожлантириш бўйича кўрсатмалар берилди.
Қирғиз Республикаси Президенти Садир Жапаровнинг Ўзбекистонга давлат ташрифи якунланди. Урганч халқаро аэропортида олий мартабали меҳмонларни Президентимиз Шавкат Мирзиёев ва рафиқаси кузатиб қўйди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter