Хабарлар тезкор Телеграм каналимизда Обуна бўлиш ×

Хитойда коронавирус кўршапалак ёки илондан тарқагани тахмин қилинмоқда

Хитойда коронавирус кўршапалак ёки илондан тарқагани тахмин қилинмоқда

Фото: dwnews.com

Хитойнинг Ухан шаҳридаги денгиз маҳсулотлари билан савдо қиладиган бозор коронавирус тарқалган эҳтимолий жой сифатида кўрилмоқда. Хабар қилинишича, бу ерда нафақат денгиз маҳсулотлари, балки турли ёввойи ҳайвонлар ҳам сотилган.

Бозорда товусдан тортиб бўри боласигача сотиб олиш мумкин бўлган. Вирус эса кўршапалак ёки илондан тарқаган бўлиши мумкинлиги айтилмоқда.

Пекин университети олимлари энг аввало вирус кўршапалакдан тарқалганини таҳмин қилишган. Ухан бозорида кўршапалак сотилади ва Хитойнинг бир қатор туманларида ундан шўрва тайёрланади. Муаммоли жиҳат шундаки, вирус бозордаги турли ҳайвонлар орасида тарқалиб, генини ўзгартирган ва мутантлашган бўлиши мумкин.

Ҳозирга қадар коронавирус билан 876 одам касаллангани аниқланган ва шулардан 26 киши вафот этган. Аксарият касаллар Хитойда истиқомат қилади. Шу билан бирга Япония, Жанубий Корея, Таиланд ва АҚШда ҳам касалланган шахслар аниқланган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг