Энг ёш бош вазирлардан бири истеъфога чиқди
Украина ҳукумати раҳбари — бош вазир Алексей Гончарук истеъфога чиқиш ҳақида ариза ёзди. Бу ҳақда ТАСС хабар берди.
«Парламент Гончарукнинг истеъфога чиқиш тўғрисидаги аризасини қабул қилди», — деди парламент спикери Дмитрий Разумков.
Шу йиғилишда қатнашган депутат Олександр Качуранинг айтишича, президент Владимир Зеленский ҳукуматни бошқариш учун бош вазир ўринбосари Денис Шмигаль номзодини тақдим этган.
Эслатиб ўтамиз, 2020 йилнинг январь ойида президент Зеленский Гончарукнинг истеъфога чиқиш тўғрисидаги аризасини қабул қилмаганди.
Маълумот учун: 34 ёшли Санна Марин Финляндияга бош вазир бўлгунга қадар, Алексей Гончарук (1984 йили туғилган) дунёдаги энг ёш бош вазир эди — 2019 йили 35 ёшидан ҳукуматни бошқаришга киришган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter