Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Эрдоған Туркия Путин-Зеленский учрашувини ташкил этишга тайёрлигини билдирди

Эрдоған Туркия Путин-Зеленский учрашувини ташкил этишга тайёрлигини билдирди

Кеча, 5 август куни Туркия президенти Эрдоған ва Россия президенти Путин Сочида музокара ўтказгани ҳақида хабар қилинган эди. 

Сочида бўлиб ўтган музокаралар якунида Ражаб Тоййиб Эрдоған Путин билан бўлиб ўтган саммит юзасидан матбуот вакиллари билан учрашди.

«Биз Россия Президенти жаноб Владимир Путиннинг таклифига биноан Сочига ташрифимизни муваффақиятли якунладик. 19 июл куни Теҳронда жаноб Путин билан учрашганимиздан сўнг Сочида икки томонлама муносабатларимиз ва халқаро масалаларни атрофлича муҳокама қилдик.

Биз Россия билан Кавказ, Сурия ва Украина борасидаги мулоқотимиз ижобий акс этаётганига гувоҳ бўлмоқдамиз», – дейди Туркия президенти.

У, шунингдек, Путин ва Зеленский музокарасини ташкиллаштириш учун Туркия ҳамиша тайёр эканлигини яна бир бор эслатиб қўйганини айтади.

«Украинадаги урушда ғолиб бўлмаслигини бошидан таъкидлайман. Майдондаги қийинчиликларга қарамай, мен ҳам инқироз музокаралар столида ҳал этилишига қатъий ишонаман. Мен яна бир бор жаноб Путинга унинг жаноб Зеленский билан учрашувини ўтказишимиз мумкинлигини эслатдим. Қора денгиздаги қўшнимиз Россия билан минтақавий ва глобал тинчликка ҳисса қўшиш мақсадида барча соҳаларда мулоқотимизни ривожлантиришда давом этамиз», – деган Туркия президенти.

 

 

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг