Америка Қўшма Штатларида президентлик сайлови жорий йилнинг ноябрида ўтказилади. Қуйида ўз номзодини қўйган сиёсатчилар ва уларнинг машҳур гаплари ҳақида фикр юритамиз. 

1. Кичик Жозеф Р. Байден

Собиқ вице-президент, сенатор. 77 ёшли демократ.

Илгари икки марта президентликка номзод бўлган.

- Ўзининг шахсияти ва ишчилар синфини қўллаб-қувватловчи сифатида танилган;
- 2020 йилги сайлов унинг президентликка номзод бўлиш учун охирги имконияти.

«Агар биз Доналд Трампга Оқ уйда саккиз йил хизмат қилсак, у Америка халқининг феъл-атворини абадий ва тубдан ўзгартиради. Бундай бўлишни кузата олмайман».

Майкл Блумберг

Медиа магнат, миллиардер, Ню-Йоркнинг собиқ мэри, 77 ёшли демократ.

Ўн йилдан кўпроқ вақтдан бери президентликка ўз номзодини қўйиб келади. Демократ сифатида октябрь ойида қайта рўйхатга олинган.

Сайлов дастурида қурол назорати ва иқлим ўзгариши ҳақида очиқ фикрлар айтган, аммо солиқларга нисбатан фикри уни Демократик майдоннинг консерватив томонига олиб келади.

«Доналд Трампни мағлуб этиш ва Американи тиклаш — ҳаётимизнинг энг муҳим ва энг долзарб курашидир. Ва мен ҳаммасига тайёрман».

Пит Буттигиг 

Пит Буттигиг — Саут-Бенднинг собиқ мэри. 38 ёшли демократ. Президентликка энг ёш номзод.

Олий судда жойлар сонини кўпайтириш ғоясини илгари сурган биринчи номзод.

 Сайлов кампаниянинг иккинчи чорагида ҳаммадан кўпроқ пул йиғди.

«Лавозимга интилиш — бу умид қилишимнинг сояси. Агар сиз ҳукуматимизнинг қудрати бундан-да кўпроқ ва ундан фойдаланиш керак деб ҳисобласангиз, миллат ҳаётини барчамиз учун яхшилаш учун қайта ишлаб чиқиш лозим. Бусиз иложи йўқ».

Патрик Девал 

Массачусетс штатининг собиқ губернатори, «Bain Capital» хусусий сармоядорлик фирмаси раҳбари. 63 ёшли демократ.

Америка Қўшма Штатлари тарихидаги иккинчи қора танли губернатор бўлган. (2006 йилда, Лоуренс Дуглас Уайлдер — биринчи қора танли губернатор). Собиқ президент Барак Обаманинг яқин дўсти.

«Бу сафар нафақат аҳамиятсиз ва сиз норози бўлган раҳбарни енгиш эмас, балки унинг ўрнига сиз қандай ёрдам беришингиз муҳим».

Берни Сандерс

Вермонт сенатори, собиқ конгрессмен. 78 ёшли демократ.

Демократик социалист, «Medicare for All» ва бепул коллеж каби илғор таклифлари сайловдаги асосий қуроли бўлиши кутилмоқда.

2016 йилдаги президентлик сайловида Демократик бошланғич партияда иккинчи ўринни эгаллаган.

Ҳамма учун ишлайдиган ҳукумат ва иқтисодиётни яратишнинг ягона йўли - ушбу сайловда ғалаба қозонишимиз. Америка тарихида илгари ҳеч қачон бундай ҳаракатлар бўлмаган»

Том Стейер 

«Миллиардер» фондининг собиқ ижрочиси, иқлим ўзгариши ва импичмент фаоли. 62 ёшли демократ. Доналд Трамп импичментининг фаол тарафдори. Унинг импичменти талаб қилинадиган телевизион рекламаларга миллионлаб долларларни сарф этган экологик фаол.

«Америкаликлар Вашингтон қилаётган муносабатдан хафа».

Элизабет Уоррен

Массачусетс штати сенатори, собиқ Гарвард университети професори. 70 ёшли демократ. «Ҳукуматда катта таркибий ўзгартиришлар» тарафдори. Америка иқтисодиётини қайта шакллантирмоқчи, аҳолининг ўрта қатлами «халоскори».

«Вашингтонга бориб, синган ҳукуматимизни, шу қаторда тепада турган аёлни тузатиш вақти келди».

Доналд Трамп

АҚШнинг амалдаги президенти, бизнесмен, телеюлдуз. 73 ёшли республикачи.

Президент лавозимидаги асосий қонунчилик фаолияти: солиқларни қисқартириш ва бу орқали корпорациялар ҳамда бадавлат инвесторларга фойда келтирди.

Обама ҳукуматининг ишларини фаол қораловчиси. Трамп собиқ президент Обаманинг соғлиқни сақлаш, атроф-муҳитни тартибга солиш ва иммиграция соҳасидаги сиёсатини бекор қилишга эътибор қаратди.

Импичмент сўровида ғалаба қозонди.

Трамп бу сафар миграцияни чеклаш ва Мексика чегарасида девор қуриш; савдо, қурол назорати ва иқлим ўзгариши бўйича халқаро битимларни қайта келишиш ёки бекор қилиш; чет эллардан Америка қўшинларини олиб чиқишни илгари сурмоқда.

«Биз дастлабки икки йил ичида ҳар қандай маъмуриятдан кўпроқ иш қилган бўлсак, бу осон амалга ошди. Бизни янада ажойиб ишлар кутмоқда!»