Хабарлар тезкор Телеграм каналимизда Обуна бўлиш ×

«Тирилган» журналист Бабченко интервью учун 50 минг доллар талаб қилди

«Тирилган» журналист Бабченко интервью учун 50 минг доллар талаб қилди

Фото: «Progomel.by»

Ҳамма Аркадийнинг қаерга ғойиб бўлгани хусусида бош қотираётганда унинг ўзи Россияга қайтмаслик қарорига келганини сирли равишда эълон қилди. Бу ҳақда «Life» хабар берган.

Ўтган йили ўз ўлимини саҳналаштирган россиялик таниқли журналист Аркадий Бабченко Украинани тарк этди. Бу ҳақда унинг ҳамкасби Евгений Киселёв «Фейсбук»даги саҳифасида ёзган.

Бабченко Украинадан ё Эстонияга, ё Финляндияга жўнаб кетди. Бир умрга бўлиши ҳам мумкин, — дея таъкидлайди журналист.

Федерал янгиликлар агентлиги манбасининг таъкидлашича, Бабченко ҳозир Норвегияда. У 2019 йил май ойида сайловда Владимир Зеленский ғалаба қозонгач, ўша ерга қочиб кетган.

Нашрнинг ёзишича, ҳозир журналист Европада сиёсий бошпана олиш ниятида. Негаки ҳукуматнинг таъқиб қилишидан чўчимоқда.

Бабченко ҳалигача ўзига жой тополгани йўқ. 1 ноябрда у «Фейсбук»да «Россияга қайтмаслигини тушуниб етгани» ҳақида пост қолдирди. Унинг сўзларига кўра, агар келган тақдирда ҳам, «қўнғироқ қиладиган ҳеч кими йўқ».

Эслатиб ўтамиз, ўтган йили украин матбуотида Бабченконинг Киевда орқасига бир нечта ўқ тегиши оқибатида ўлгани ҳақида хабар берилганди. Маълум бўлишича, суиқасд ва ўлим саҳналаштирилган: россиялик журналист тирик, мазкур операция украин махсус хизмат вакиллари томонидан уюштирилган ва амалга оширилган. Боз устига, «тирилгандан» сўнг журналист эксклюзив интервьюси учун 50 минг доллар талаб қилган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг