Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Собиқ давлат раҳбари коррупция учун суд қилиняпти

Собиқ давлат раҳбари коррупция учун суд қилиняпти

Фото: «Theins.ru»

Парижнинг ахлоқ тузатиш суди Франция собиқ президенти Николя Саркози устидан суд жараёнини давом эттиришга қарор қилди, дея хабар берди «Agence France Presse».

Маълумотларга кўра, ушбу суд жараёни Франциядаги сиёсат олами учун мисли кўрилмаган ҳодиса ҳисобланади. Негаки мамлакат замонавий тарихида илк бор коррупцияда гумон қилинаётган собиқ давлат раҳбари суд қилинади.

Саркози иши бўйича биринчи йиғилиш 23 ноябрь куни бўлиб ўтди. Суд мажлиси ўша куниёқ тўхтатилди.

Октябрь ойида сиёсатчи 2007 йилги президентлик кампанияси Ливия томонидан молиялаштирганлиги бўйича жиноятга алоқадорликда айбланди. Ушбу иш юзасидан тергов 2012 йилда Францияда «Mediapart» нашри Саркозининг президентлик кампанияси эҳтиёжлари учун Ливия ҳукумати 50 миллион евро ўтказганлиги ҳақидаги ҳужжатларни чоп этгандан сўнг бошланди.

Айбланувчи ўзининг айбсизлигини исботлашга ваъда бермоқда. Акс ҳолда Саркози 5 йилдан 10 йилгача қамалиши ва катта жаримага тортилиши мумкин.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг