Хабарлар тезкор Телеграм каналимизда Обуна бўлиш ×

Россиялик миллиардерлар янги рекорд ўрнатишди

Россиялик миллиардерлар янги рекорд ўрнатишди

Фото: «Inbusiness.kz»

Bloomberg Billionaires Index (BBI) маълумотига кўра, йил бошидан бери россиялик миллиардерларнинг бойлиги $36 млрд.га кўпайди.

«Bloomberg» миллиардерлар индекси — дунё бойларининг ҳар кунлик рейтинги.

2 август ҳолатига кўра, рейтингга йигирмадан ортиқ россиялик бойлар киритилган. Боз устига, сўнгги етти ой ичида энг бой кишилар плюс билан чиқишди.

Биринчи ўринда — Леонид Михэльсон («Новатэк» ва СИБУР). 1 январдан Михэльсон 5,4 млрд.га бойиди — долларда, албатта. Ҳозир у тахминан 25 млрд.га эгалик қилади. «Bloomberg» рейтингида 36-поғонани забт этган.

Албатта, дунёда унга қараганда бойроқ кишилар ҳам бор. Гейтс ва Цукерберглар шулар жумласидан. Лекин Михэльсон Элон Маскни қувиб ўтди.

Владимир Потанин («Интеррос», «Норникель») эса Элондан сал ортда қолди. Элон 40-ўринда, Потанин — 42. Бироқ унинг қувиб ўтишига ҳеч ким шубҳа қилмайди. Унинг улкан потенциали бор, устига-устак — етти ойда 3 млрд. жамғарди. Маск эса, аксинча, 1,3 млрд.га камбағаллашди.

Владимир Лисин — («Universal Cargo Logistics Holding» ва НЛМК) — «Bloomberg» рейтингида 45-ўринда. У ҳам 3 млрд.га бойиб олди.

Алексей Мордашов, 52-ўринда, у ҳам пўлат «шайдоси». Сўнгги ойларда 1,8 млрд орттирди.

Яна Вагит Алекперов – 2,3 млрд, Геннадий Тимченко — 3,68 млрд, Алишер Усмонов эса 2,69 млрд.га эга бўлди.

Россиялик энг давлатманд кишилар охирги етти ой ичида жами 36 млрд долларга бойишди. Буни рублга айлантирсак — 2,34 трлн рубль дегани.

2,34 трлн рубль — бу 2018 йилги Москва вилояти бюджетининг қарийб тўрттаси демак.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг