Хабарлар тезкор Телеграм каналимизда Обуна бўлиш ×

Мамлакатини карантинга қамаган соғлиқни сақлаш вазири ресторанда «қўлга тушди» — Чехия

Мамлакатини карантинга қамаган соғлиқни сақлаш вазири ресторанда «қўлга тушди» — Чехия

Роман Примула.

Фото: «Российская газета»

Чехияда локдаун жорий этилган куни кечқурун соғлиқни сақлаш вазири Роман Примула ресторанда ҳукуматдаги ҳамкасблари билан ўтиргани ҳаммаёққа овоза бўлиб кетди.

Унинг истеъфога чиқарилишини нафақат мухолифат, балки ҳукумат раҳбари (Андрей Бабиш) ҳам талаб қилишни бошлади. Бироқ вазир президентнинг тегишли қарорисиз ҳеч қаёққа кетмаслигини айтиб, оёқ тираб туриб олди. Афтидан, Чехияда коронаинқироз ортидан ҳукумат инқирози ҳам «пишиб етилган» кўринади. Диққатга сазовор яна бир жиҳат: Роман Примула соғлиқни сақлаш вазири этиб тайинланганига бир ой бўлди...

Эслатиб ўтамиз, кеча, 22 октябрдан Чехия қаттиқ карантинга қайтган Европа иттифоқидаги иккинчи мамлакатга (Ирландиядан сўнг) айланган, аксарият кичик дўконлар ва хизмат кўрсатиш шохобчалари ёпилган, одамларга фақат ишга бориш, дорихона ва озиқ-овқат дўконларига чиқиш учун рухсат этилган эди.

Сўнгги маълумотларга кўра, Чехияда коронавирус билан жами касалланишлар сони 194 мингга етган, 21 октябрь куни 11 984 нафар кишида касаллик аниқланиб, антирекорд қайд этилганди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг