Дунёдаги энг кекса эркак вафот этди
Испаниянинг Леон шаҳрида дунёдаги энг кекса эркак вафот этди. Бу мақом испаниялик Сатурнино де ла Фуэнте Гарсияга тегишли эди. Гиннеснинг рекордлар китоби веб-сайтига кўра, у 112 ёшга кирган. Бу ҳақда La Vanguardia маълум қилди.
Сатурнино де ла Фуэнте Гарсия 112 йил 341 кун яшаган. У Леондаги Флеминг проспектидаги уйида вафот этган.
Испаниялик 2021 йил 10 сентабрда Гиннеснинг рекордлар китобига киритилган эди, ўша пайтда у 112 ёшу 211 кунлик эди.
Рекордчи 1909 йил 11 февралда Леонда туғилган. Бўйи паст бўлгани учун у Испаниядаги фуқаролар уруши даврида армияга олинмаган.
Касби пойабзалчи, дўстлари уни «Пепино» деб аташган. Гарсия саккиз фарзандни тарбиялаган, улардан учтаси ҳозирда ҳаёт эмас. Унинг ортида 14 невараси ва 22 чевараси қолди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter