Хабарлар тезкор Телеграм каналимизда Обуна бўлиш ×

Чехияда поездлар тўқнашди

Чехияда поездлар тўқнашди

Фото: «Domaci.ihned.cz»

Чехиянинг Кдине шаҳри Домажлице ҳудудида йўловчи поезди билан темир йўллар ҳолатини текшириш ва таъмирлашда фойдаланиладиган техник поезд тўқнашиши натижасида 20 киши шикастланди. Бу ҳақда «Hospodářských noviny» газетаси хабар берди.

«Aktuálně» интернет-нашри полиция, ўт ўчириш ва фавқулодда хизмат ходимларига таяниб, камида 13 киши жароҳатланганини маълум қилган.

Ҳодиса Марказий Европа вақтига кўра тахминан 07:15 ларда (10:15 т.в) содир бўлган.

Воқеа жойида қутқарув вертолётлари жароҳатланганларни шифохоналарга етказмоқда.

Темирйўл инспекцияси вакили Мартин Драпалнинг «Hospodářských noviny»га маълум қилишича, ҳалокатга йўловчи поезди машинисти темирйўл станциясига кираверишда тақиқловчи белгини кўрмай қолгани сабаб бўлган. Натижада у бошқа таркибга мўлжалланган йўлда ҳаракатини давом эттирган ва поездлар тўқнашиб кетган.

Кдине — Домажлице йўналиши бўйича поездлар ҳаракати тўхтатилди. Вақтинча автобус ҳаракати йўлга қўйилди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг