Моралесни ҳибсга олишмоқчи: «қарзлари» бор
Жанин Аньес.
Боливия президенти в.в.б Жанин Аньес республика собиқ президенти Эво Моралесни ҳибсга олишга ордер тез кунларда берилишини маълум қилди, дейилади RT хабарида.
«Мамлакат олдида жавоб бериши шартлиги-ю, адолат қаршисида тўланмаган қарзлари борлигини Моралеснинг ўзи ҳам билади. Албатта, яқин кунларда уни ҳибсга олиш учун ордер берилади, биз бунга киришганмиз», — «Los Tiempos» газетаси Аньесдан ана шу иқтибосни келтирмоқда.
Яъни Аньес демоқчики, Моралес ўз мамлакатига нисбатан масъулиятсизлик қилган.
Маълумот учун: Мексикада қарийб бир ой, Кубада бир неча кун ўтган дарбадарликдан сўнг, Моралес Буэнос-Айресга келган ва Аргентинадан қочоқ мақоми беришни сўраганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter