Tramp Zelenskiy bilan uchrashishi mumkinligini aytdi
AQSh prezidentligiga nomzod Donald Tramp kelasi hafta, Ukraina yetakchisi Nyu-Yorkdagi BMT Bosh Assambleyasi yig‘ilishiga kelganida Vladimir Zelenskiy bilan uchrashishi mumkinligini aytdi.
Jurnalistlarning Zelenskiy bilan uchrashish yoki uchrashmasligi haqidagi savoliga Tramp: «Ehtimol, ha», deb javob berdi.
Zelenskiy kelasi seshanba, 24 sentyabr kuni Xavfsizlik kengashida nutq so‘zlashi kutilmoqda.
Tramp, agar u g‘alaba qozonsa, Ukrainadagi urushni bir necha kun ichida, hatto prezidentlik lavozimiga qayta kirishishidan oldin tugatishga va’da bermoqda. U buni qanday qilishi haqida aniq aytmagan.
Ko‘pchilik amerikalik va yevropalik siyosatchilar Trampning prezidentlik saylovlarida g‘alaba qozonishi Amerikaning Ukrainaga ko‘rsatayotgan yordami qisqarishiga olib kelishi mumkinligidan xavotirda.
Ayrimlarning fikricha, Tramp Kiyevni Rossiya bilan o‘zi uchun noqulay shartlarda muzokara olib borishga ko‘ndirishga harakat qiladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter