Ilon Mask Tramp uchun katta pul ajratgani bo‘yicha xabarlarni izohladi
![Ilon Mask Tramp uchun katta pul ajratgani bo‘yicha xabarlarni izohladi](https://static.xabaruz.com/crop/2/1/920__95_2183942198.jpg)
Amerikalik tadbirkor Ilon Mask AQShning sobiq prezidenti Donald Trampning saylovoldi kampaniyasiga oyiga rekord darajadagi 45 million dollar xayriya qilishi haqidagi xabarlarni rad etdi. Bu haqda u X ijtimoiy tarmog‘ida yozgan.
«Bu kulguli. Men Amerika PAC fondiga ba’zi xayriyalar qilaman, lekin ancha past miqdorda», deya yozgan milliarder.
13-iyul kuni Bloomberg agentligi tadbirkorga yaqin manbalarga tayanib, Mask Trampning saylovoldi kampaniyasiga katta miqdorda xayriya qilgani haqida xabar berdi.
Iyun oyida amerikalik milliarder aka-uka Tayler va Kemeron Uinklvoss AQShning sobiq prezidentiga saylovoldi kampaniyasi uchun 2 million dollar muqobilidagi bitkoinlar xayriya qilgani ma’lum bo‘lgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter