AQSh davlat qarzi ikki kunda qariyb 348 mlrd dollarga oshdi
AQSh davlat qarzi ikki kun ichida rekord darajadagi 347,6 mlrd dollarga o‘sdi. Bu haqda AQSh g‘aznachiligi ma’lumotlarida ma’lum qilingan.
30-sentyabr, dushanba kuni, eski moliya yilining so‘nggi kunida AQSh qarzi hajmi 143,3 milliard dollarga ko‘paydi, 1-oktyabr, yangi moliya yilining birinchi kunida qarz yana 204,3 milliard dollarga oshdi.
Taqqoslash uchun: 2023-yilda moliya yili boshidan suveren qarzning o‘sishi 315,7 milliard dollarni, 2022- yilda esa 252,5 milliard dollarni tashkil etdi.
Shunday qilib, moliyaviy yilda sodir bo‘lgan o‘zgarish AQSh davlat qarzi tarixidagi eng qimmatga aylandi. Natijada qarz 35,67 trillion dollarga yetib, rekord darajaga yetdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter