Qozon shahrida 22–24-oktyabr kunlari o‘tgan BRIKS sammiti yakunlari bo‘yicha 13 mamlakatga BRIKS sherik-davlatlari maqomi berildi.

Ular orasida O‘zbekiston ham bor.

BRIKS sherik-davlatlari (13):

1. Belarus
2. Boliviya
3. Vetnam
4. Jazoir
5. Indoneziya
6. Kuba
7. Malayziya
8. Nigeriya
9. Tailand
10. Turkiya
11. Uganda
12. O‘zbekiston
13. Qozog‘iston

Sammitning so‘nggi kunida tashkilotga a’zo davlatlar rahbarlari «autrich» formatidagi davra suhbatida qatnashdi. Sammitning yakuniy majlisida G‘azodagi urush masalalari, Rossiyaning chegara yaqinidagi aholi maskanlaridagi vaziyat hamda Trukiyadagi terakt muhokama qilingan.

Ma’lumot uchun: BRIKS (ingl. BRICS — Brazil, Russia, India, China, South Africa qisqartmasi) — to‘qqiz mamlakat a’zo tashkilot: Braziliya, Rossiya, Hindiston, XXR, Janubiy Afrika Respublikasi, Birlashgan Arab Amirliklari, Eron, Misr, Efiopiya. Tashkilot (BRIK, BRIC)ga 2006-yil iyunida Peterburg iqtisodiy forumi doirasida Braziliya, Rossiya, Hindiston va Xitoy iqtisodiyot vazirlari ishtirokida asos solingan.