UEFA Chempionlar ligasi madhiyasini yangiladi
![UEFA Chempionlar ligasi madhiyasini yangiladi](https://static.xabaruz.com/crop/1/5/920__95_153123756.jpg)
Yevropa futbol assotsiatsiyalari ittifoqi (UEFA) Chempionlar ligasi madhiyasini yangi mavsumdan o‘zgartirishga qaror qildi. Bu haqda 2024/2025 mavsumini translyasiya qiluvchi Okko Sport striming servisi telegram-kanalida xabar berildi.
UEFA «Barselona» (Ispaniya) «Arsenal» (Angliya)ni yutgan 2006-yilgi finalda yangragan orkestr ijrosiga qaytmoqchi. Madhiyaning yangi talqinida kompozitsiyaning lirik tarkibiga ko‘proq urg‘u berilmoqda. 2024/2025 mavsumining o‘tgan pley-off saralashlarida turnir madhiyasi yangicha ijro etildi.
YChL yangi mavsumida oldingi 32 jamoa o‘rniga 36 jamoa qatnashadi. Turnir formati ham o‘zgardi — ilgari jamoalar guruhlarga bo‘lingan bo‘lsa, endi shveysarcha tizimdan foydalaniladi va barcha 36 jamoa yagona turnir jadvalidan o‘rin oladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter