JCh-2026: O‘zbekistonning guruhdagi raqibi Rossiya klublari bilan kuch sinashadi
O‘zbekiston milliy jamoasining JCh-2026 saralash bosqichidagi raqiblaridan biri — KXDR terma jamoasi Rossiyaning uch klubiga qarshi o‘rtoqlik o‘yinlarini o‘tkazadi.
Shimoliy koreyaliklar Turkiyadagi yig‘in doirasida birinchi uchrashuvni 2-fevral kuni «Tyumen» klubiga qarshi o‘tkazadi. Ushbu klub Rossiyaning ahamiyati bo‘yicha ikkinchi o‘rindagi Birinchi ligasi — FNL turnir jadvalida oxirgi o‘rinda turibdi.
Koreyslarning 11-fevraldagi o‘yini esa yanada kuchsizroq raqib — «Leningradets»ga qarshi bo‘lib o‘tadi. Bu jamoa Rossiyaning ikkinchi A ligasida qatnashadi.
Qolaversa, KXDR terma jamoasi «Baltika» (Rossiya)ga qarshi ham o‘yin o‘tkazishi kutilyapti.
Ayni paytda Shimoliy Koreya FIFA reytingida 115-o‘rinni band etib turibdi. Yuqoridagi o‘yinlar koreyslar uchun JCh-2026 saralashi doirasida Qatar va BAAga qarshi tayyorgarlik vazifasini o‘taydi.
Eslatib o‘tamiz, O‘zbekiston KXDRga qarshi guruhdagi har ikki o‘yinda ham 1:0 hisobida g‘alaba qozongan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter