Propiskaga «bog‘lab qo‘yilgan» xizmatlar soni kamayadi
«Aholi va tadbirkorlarga yengilliklar yaratish hamda byurokratik to‘siqlarni tubdan qisqartirish chora-tadbirlari to‘g‘risida»gi Prezident farmoni loyihasi jamoatchilik muhokamasi uchun qo‘yildi.
Unga ko‘ra, 2021-yil 1-martdan boshlab fuqarolarning doimiy (vaqtincha) ro‘yxatdan o‘tgan joyidan hamda yuridik shaxslarning pochta manzilidan (joylashgan yeridan) qat’i nazar:
- fuqarolik holati dalolatnomalarini qayd etish (nikohdan o‘tish, tug‘ilganlikni qayd etish va boshqa),
- nikohlanuvchi shaxslarni tibbiy ko‘rikdan o‘tkazish,
- xorijga chiqish biometrik pasportini rasmiylashtirish,
- tibbiy-ijtimoiy ekspert komissiyalarida ko‘rikdan o‘tish,
- transport vositalarini majburiy texnik ko‘rikdan o‘tkazish eksterritorial tamoyil bo‘yicha amalga oshirilishi taklif etilmoqda.
Hozirda ushbu xizmatlar fuqarolarning doimiy yashash joylarida ko‘rsatilmoqda.
Muhokamada qatnashish uchun quyidagi havolaga o‘tishingiz talab etiladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter