Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

OTMlarga test sinovlari muddatiga oydinlik kiritildi

OTMlarga test sinovlari muddatiga oydinlik kiritildi

Foto: Xabar.uz

2021 yil 16 iyul kuni Oliy va o‘rta maxsus ta’lim vazirligi tomonidan Respublika maxsus komissiyasi qaroriga ko‘ra, ochiq va yopiq hududlarda ommaviy tadbirlar o‘tkazilishining to‘xtatilishi munosabati bilan akademik litseylarga dastlabki saralash hamda asosiy imtihonlarni o‘tkazish vaqti ma’lum bir muddatga surilganligi va epidemiologik vaziyatdan kelib chiqqan holda akademik litseylarga saralash imtihonlarining o‘tkazilishi joriy yil sentyabr oyining birinchi yarmida rejalashtirilayotganligi e’lon qilindi.

Davlat test markazining ma’lum qilishicha, ayrim telegram kanallar va ijtimoiy tarmoqlarda mazkur xabar «Kirish imtihonlari karantin sabab sentyabr oyiga qoldiriladigan bo‘ldi» sarlavhasi ostida berilishi natijasida ko‘plab fuqarolar xabarni to‘liq o‘qimasdan, oliy ta’lim muassasalariga kirish imtihonlari sentyabr oyiga qoldirildi degan xulosaga kelishmoqda.

Shu sababli ko‘pchilik tomonidan DTMga «Imtihonlar haqiqatdan ham sentyabr oyiga qoldirildimi?», «Nima uchun sentyabr oyiga qoldirildi?» kabi mazmundagi murojaatlar kelib tushmoqda ekan.

DTM shu bo‘yicha ma’lum qildiki, oliy ta’lim muassasalarining bakalavriat ta’lim yo‘nalishlariga kirish test sinovlarini o‘tkazish muddatlari sentyabr oyiga surilgani yo‘q va imtihonlarni amaldagi qonunchilik hujjatlariga ko‘ra avgust oyida o‘tkazish rejalashtirilgan.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring