Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Farg‘onada mast haydovchi boshqaruvidagi mashina 6 nafar yo‘lovchisi bilan ag‘darilib ketdi

Farg‘onada mast haydovchi boshqaruvidagi mashina 6 nafar yo‘lovchisi bilan ag‘darilib ketdi

Foto: Tergov departamenti

Joriy yilning 2-noyabr kuni soat taxminan 23:45larda Farg‘ona viloyati Qo‘shtepa tumanida mast holdagi haydovchi M.A. tomonidan tegishli hujjatlarsiz boshqarilgan «VAZ 2106» rusumli avtomashina ishtirokida yo‘l-transport hodisasi sodir bo‘lgan. Bu haqda Tergov departamenti ma’lum qildi.

Haydovchi boshqaruvni yo‘qotishi natijasida avtomashina Ravnaq ko‘chasidagi ko‘prik yonida yo‘lning o‘ng chekkasidagi beton to‘siqqa urilib 6 nafar yo‘lovchilari bilan ag‘darilgan.

Buning oqibatida bir nafar yo‘lovchi vafot etgan, haydovchi va qolganlar esa turli darajada tan jarohatlari olib, shifoxonaga yotqizilgan.

Mazkur holat yuzasidan Qo‘shtepa tuman IIB huzuridagi Tergov bo‘limi tomonidan Jinoyat kodeksining 266-moddasi 2-qismi (Transport vositalari harakati yoki ulardan foydalanish xavfsizligi qoidalarini buzish oqibatida odam o‘lishiga sabab bo‘lsa) bilan jinoyat ishi qo‘zg‘atilgan.

Hozirda dastlabki tergov davom etmoqda.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring