Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Qorindagi yog‘ni yo‘qotadigan ichimlik

Qorindagi yog‘ni yo‘qotadigan ichimlik

Foto: «@tanushreerao / Usplash»

Olimlar ko‘k choy qorin yog‘ini yo‘qotishda samarali ichimlik ekanligini isbotlashdi. Bundan tashqari, meva-sabzavotlarni muntazam iste’mol qilish ushbu sohada ortiqcha vazndan xalos bo‘lishga yordam beradi, deb yozadi Express.

Mutaxassislarning ta’kidlashicha, qorin yog‘i jigar va ichak kabi muhim a’zolar yonida hosil bo‘ladi, bu yurak xastaligi va 2-tip diabet rivojlanish xavfini tug‘diradi. Olimlar qorin visseral yog‘i yuqori bo‘lgan Xitoyning katta yoshli aholi orasida tadqiqot o‘tkazishdi. Tajriba ishtirokchilari ikki guruhga bo‘linishdi. Ulardan biri 12 hafta davomida har kuni ko‘k choy iste’mol qilishdi.

Tajriba shuni ko‘rsatdiki, choy ichuvchilar qorin yog‘idan deyarli butunlay qutulishgan. Katexinlar bilan boyitilgan ushbu ichimlikni iste’mol qilish natijasida o‘rtacha visseral yog‘ miqdori, tana vazni va organizmda to‘plangan ortiqcha yog‘ sezilarli darajada kamaydi. Olimlarning fikricha, ko‘k choy metabolizmni tezlashtiradi. Bu organizmga kaloriyani ko‘proq yoqishga yordam beradi.

Qorin yog‘idan qutulmoqchi bo‘lganlar uchun mutaxassislar har kuni kamida besh porsiya meva-sabzavot iste’mol qilishni, shuningdek, taomnomaga kletchatkaga boy kraxmalli mahsulotlarni kiritishni maslahat berishadi. Bundan tashqari, taomga tuz yoki shakar qo‘shmaslik kerak. Shuningdek, kam yog‘li sut yoki kalsiyli soya ichimliklarini iste’mol qilish va kuniga 6-8 stakan suv ichish tavsiya etiladi.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring