«Forbes» jurnali dunyoning eng badavlat yozuvchilari nomini e’lon qildi (foto)

Bosh sahifa
Madaniyat
«Forbes» jurnali dunyoning eng badavlat yozuvchilari...

Madaniyat

«Forbes» jurnali dunyoning eng badavlat yozuvchilari nomini e’lon qildi (foto)

25.01.2018 20:54 0 573

Joan Rouling 2017-yilda 95 million dollar ishlab topdi.

Foto: «Pikabu»

«Forbes» jurnali ma’lumotiga ko‘ra, 52 yoshli britaniyalik yozuvchi Joan Rouling «Harri Potter» kitoblari savdosidan 2017-yilda 95 million dollar ishlab topib, bu borada birinchi bo‘ldi.

Muvaffaqiyatning sababi, o‘tgan yili kitob asosidagi pesa Londonda namoyish etildi. Hozirda yozuvchining umumiy daromadi 650 million dollarga baholanadi. Sehrgar Harri haqidagi kitoblar esa shu vaqtgacha dunyo bo‘ylab 450 million nusxada sotilgan. Rouling savdodan tushgan 150 million dollarni xayriya yo‘lida ishlatgan.

Ikkinchi o‘rinni amerikalik 70 yoshli detektiv ustasi Jeyms Patterson egalladi. Uning Jeyms Kross haqidagi teleseriali va «Qotillik bo‘yicha tergov qiluvchi ayollar klubi» asari muallifga yil davomida 87 million dollar foyda keltirgan.

Uchinchi o‘ringa amerikalik yozuvchi va rassom Jeff Kinni loyiq ko‘rilgan. Uning «Nimjonning kundaligi» nomli asarlar turkumi ekranlashtirilgan, shu sababli u 2017-yilda 21 million dollar daromad ko‘rgan.

To‘rtinchi o‘rin «Da Vinchi siri» kitobi muallifi Den Braunga nasib etdi. U o‘tgan yili 20 million dollar foyda orttirdi.

Beshinchi pog‘ona Stiven Kingga tegishli. 2017-yil unga ko‘p ham omadli kelmadi: kitoblari asosida ishlangan filmlar omadsiz chiqdi. Shunda ham u 15 million ishlab oldi.

yozuvchi Forbes Joan Rouling

Yangiliklarni telegram kanalimizda kuzatib boring

O'xshash yangiliklar