Koronavirusdan sog‘ayganlar soni 2919 nafarga yetdi
Avvalroq Namangan viloyatida 4 nafar bemor tuzalgani xabar qilingandi. Shuningdek, Samarqand viloyatida ham 7 nafar koronavirus infeksiyasiga chalingan bemor sog‘ayib, reabilitatsiyaga kuzatildi. Bu haqda SSV matbuot xizmati ma’lum qildi.
Shu tariqa Namangan viloyatida jami kasallik qayd etilganlar 260 nafar bo‘lib, endilikda shundan 251 nafari tuzaldi. Davolanayotganlar esa 5 nafarni tashkil etib, ushbu viloyat koronavirusdan xoli hudud bo‘lishga ancha yaqin turibdi.
Samarqand viloyatida esa jami kasallik aniqlanganlar 363 nafar bo‘lib, endilikda shundan 299 nafari sog‘aydi. Ayni paytda davolanayotganlar 62 nafarni tashkil etmoqda.
Shunday qilib, hozirda mamlakatimiz bo‘ylab koronavirus infeksiyasidan sog‘aygan bemorlar soni 2919 nafarni tashkil etmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter