Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Bosh prokuratura Andijondagi hodisa aybdorini topdi

Bosh prokuratura Andijondagi hodisa aybdorini topdi

Avvalroq Andijonda sog‘lom qarag‘aylarlar kesib tashlangani va bunga viloyat hokimi Shuhrat Abdurahmonov buyruq bergani haqida xabarlar tarqalgandi.

Andijon viloyati perinatal markazi hududida yuz bergan noxush holat Bosh prokuratura tomonidan tuzilgan ishchi guruh tomonidan o‘rganilgan.

Qayd etilishicha, O‘zbekiston Respublikasi Prezidentining 2021 yil 30 dekabrdagi «Respublika ko‘kalamzorlashtirish ishlarini jadallashtirish, daraxtlar muhofazasini yanada samarali tashkil etish chora-tadbirlari to‘g‘risida»gi PF-46-sonli Farmoni bilan davlat o‘rmon fondiga kirmaydigan daraxtlar va butalar qimmatbaho navlarining kesilishiga moratoriyning amal qilishi muddatsiz davrga uzaytirilgan.

Shunga qaramasdan, Andijon shahar obodonlashtirish boshqarmasi boshlig‘i G‘.Sh. tomonidan Andijon viloyati perinatal markazi hududidagi «Eldor qarag‘oyi» (Pinus eldarica) navli 12 tup daraxtlar qonunga xilof ravishda kesib yuborilganligi oqibatida tabiatga 115,5 mln. so‘m miqdorida zarar yetkazilgan.

O‘tkazilgan tekshirish natijasiga ko‘ra, Andijon shahar obodonlashtirish boshqarmasi boshlig‘i G‘.Sh.ga nisbatan Jinoyat kodeksining 198-moddasi 2-qismi bilan jinoyat ishi qo‘zg‘atildi.

Tergov harakatlari olib borilmoqda, — deyiladi Bosh prokuratura xabarida.

Sog‘lom qarag‘aylarlarni kesib tashlashga viloyat rahbari buyruq bergani haqidagi vajlar ochiqligicha qolmoqda.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring