Rossiyada O‘zbekiston fuqarosi jasadi topildi. Marhum qurilishda balandlikdan tushib ketgan
O‘zbekistonning Sankt-Peterburg shahridagi (Rossiya) Bosh konsulxonasi 35 yoshli O‘zbekiston fuqarosi M.I. jasadi topilganligi haqidagi OAVda tarqalgan ma’lumotni tasdiqladi, deb xabar bermoqda Tashqi ishlar vazirligi matbuot xizmati.
2019-yil 3-sentyabr kuni M.I. Leningrad viloyatining Vsevolojsk tumanidagi qurilish maydonchasida balandlikdan qulash natijasida vafot etgan.
Fojiali voqea yuzasidan Bosh konsulxona Leningrad viloyati huquqni muhofaza qilish idoralari bilan aloqada bo‘lib turibdi. Hozirda marhumning jasadini O‘zbekistonga yuborish masalasi hal qilinmoqda, deyiladi TIV xabarida.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter