Nukusda «Neksiya» va traktor to‘qnashdi. Ikki kishi vafot etdi
Dastlabki ma’lumotlarga ko‘ra, bugun, 9 mart kuni soat 09:00 larda, Qoraqalpog‘iston Respublikasi, Nukus shahri, «Teletsentr» OFY hududidan o‘tgan ichki avtomobil aylanma yo‘lida haydovchi K.X. «FN 953 LOBOL» rusumli traktorni boshqarayotib chap tomonga burilayotgan vaqtida ushbu yo‘nalishda uning ortidan harakatlanib kelayotgan haydovchi (shaxsiga aniqlik kiritilmoqda) boshqaruvidagi «Neksiya» rusumli transport vositasi traktorga urilishi natijasida to‘qnashuv sodir bo‘lgan.
Natijada «Neksiya» avtomashinasi haydovchisi va yo‘lovchisi voqea joyida vafot etishgan. Yong‘in chiqishi oqibatida «Neksiya» avtomashinasi yonib ketgan.
Mazkur holat yuzasidan surishtiruv ishlari olib borilib, vafot etgan fuqarolar shaxsiga aniqlik kiritilmoqda.
Hurmatli yo‘l harakati ishtirokchilari yo‘llarda harakatlanganda «Yo‘l harakati qoidalari»ga amal qilishingizni so‘rab qolamiz.
O‘zbekiston Respublikasi IIV YHXBB Axborot xizmati
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter