IT-Паркнинг стартап жамоаси – «ArzonApteka» нуфузли «Seedstars» халқаро танловининг финалига чиқди.

Нурсултон шаҳрида ривожланаётган бозорлар учун энг нуфузли акселератор халқаро танлови #SeedstarsSummitCEE2019нинг навбатдаги саралаш босқичи бўлиб ўтди.

Аввалроқ #Seedstars Tashkent19 ғолиби бўлган «ArzonApteka» лойиҳаси Марказий Осиё ва Шарқий Европа мамлакатларининг энг яхши 18та лойиҳаси саккизлигига кирди.

Энлди ушбу стартап 2020 йил 27 март куни Швейцарияда «Seedstars 2020 Global Sammit»да Ўзбекистон вакили сифатида иштирок этади.

Бир ҳафта ичида стартап жамоаси бутун дунёнинг турли бурчакларидан келган 65дан ортиқ мамлакат ғолиблари, сармоядорлар ва менторлар билан учрашишлари мумкин. Саммитнинг сўнгги кунида улар 1000дан ортиқ томошабин олдида саҳнада чиқиш қилишлари ва асосий мукофот – $ 500,000 инвестициялари учун курашишлари мумкин бўлади.

«ArzonApteka»  – бу Ўзбекистондаги дорихоналарда дори-дармонларни топиш хизмати бўлиб, у дори-дармоннинг нархи ва мавжудлигини, дорихонанинг жойлашган жойи ва рақамини аниқлашга ёрдам беради. «Xabar.uz» ушбу стартап вакили билан махсус видеоинтервью уюштирган.