Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Ягона порталда янги хизмат йўлга қўйилди

Ягона порталда янги хизмат йўлга қўйилди

Одамлар турли ҳаётий вазиятлар, масалан, ишининг ўзгариши, ўқишга кириши, янги манзилга кўчиши ва бошқа сабаблар туфайли ижара билан боғлиқ муаммоларга дуч келишади.

Энди юридик ва жисмоний шахслар ЯИДХПнинг янги хизмати орқали кўчмас мулкни ижарага бериш шартномасини солиқ органларида рўйхатдан ўтказишлари мумкин.

Хизмат тўлиқ автоматлаштирилган ҳамда шартноманинг рўйхатдан ўтказилгани тўғрисидаги маълумот тезкор тақдим этилади.

Бунинг учун ариза берувчи ЯИДХПда авторизациядан ўтади ва ижарага берувчи сифатида маълумотларни тўлдиради.

Сўнгра ижарага олувчига шартнома лойиҳаси учун идентификация кодини беради. Ёки кодни ижарага олувчининг ўзи «Ариза (лойиҳа)ни текшириш» орқали олиши мумкин.

Ижарага олувчи шартнома лойиҳасини идентификация коди ёрдамида тасдиқлаб, аризани тўлдиришни давом эттиради ва жўнатади.

Шартнома автоматик равишда тузилади. Рўйхатдан ўтган шартномани юклаб олиш мумкин. Шунингдек, шартнома муддати тугагач, уни бекор қилиш ҳамда қайта тузиш имконияти ҳам мавжуд.

Кўчмас мулкни ижарага бериш шартномасини солиқ органларида рўйхатдан ўтказиш учун қуйидаги ҳаволага ўтинг: https://my.gov.uz/uz/service/376

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг