Ромелу Лукаку Италия чемпионатига қайтиш ҳаракатида
«Челси» (Англия)нинг 29 ёшли бельгиялик таран марказий форварди Ромелу Лукаку келаётган ёзги трансфер ойнасида Италия чемпионатига қайтмоқчи. Бу ҳақда 27 май куни «Corriere dello Sport» нашри хабар берди.
Манбага кўра, Лукакунинг агенти Федерико Пасторелло уни Италияга қайтариш учун бор кучини сарфламоқчи.
Ортда қолган мавсумда Лукаку «Челси» либосида 42 ўйин ўтказиб, 13 та голи ва битта сариқ карточкаси билан эсда қолди, холос — «Интер»даги каби порлай олмади.
Ромелу Лукаку Миланнинг «Интер»идан «Челси»га 113 миллион евро эвазига ўтган, 2021 йил 12 августидан бери лондонликлар шарафини ҳимоя қилиб келмоқда. Айни пайтда ҳужумчининг трансфер қиймати (Transfermarkt баҳоси) 85 миллион еврони ташкил этади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter