Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Президент Қирғиз Республикаси Бош вазирини ҳам қабул қилди

Президент Қирғиз Республикаси Бош вазирини ҳам қабул қилди

Фото: Президент матбуот хизмати

Бугун Ўзбекистон Республикаси Президенти Шавкат Мирзиёев ШҲТга аъзо давлатлар Бош вазирлари учрашувида иштирок этиш учун мамлакатимизга келган Қирғиз Республикаси Бош вазири Муҳаммадқалий Абилғазиевни қабул қилди.

Давлатимиз раҳбари меҳмонни самимий қутлар экан, олий даражадаги мунтазам мулоқот икки томонлама ҳамкорликни сифат жиҳатидан янги даражага кўтариш ва уни амалий мазмун билан бойитишга хизмат қилганини мамнуният билан қайд этди.

Муҳаммадқалий Абилғазиев Ўзбекистон Республикаси Президентига Қирғиз Республикаси Президенти Сооронбой Жээнбековнинг саломи ва энг эзгу тилакларини етказди ҳамда самимий қабул учун миннатдорлик билдирди.

Учрашувда мамлакатларимиз ўртасидаги дўстлик, яхши қўшничилик ва стратегик шериклик муносабатларини мустаҳкамлашнинг долзарб масалалари муҳокама қилинди.

Савдо-иқтисодий, саноат, транспорт, агросаноат, маданий-гуманитар ва бошқа соҳалардаги шерикликни, шунингдек, чегараолди ҳамкорликни янада кенгайтириш муҳимлиги қайд этилди.

Халқаро ва минтақавий аҳамиятга молик долзарб масалалар юзасидан фикр алмашилди.

Эслатиб ўтамиз, аввалроқ Президент Шавкат Мирзиёев Қозоғистон Республикаси Бош вазири Асқар Маминни қабул қилгани ҳақида хабар қилинган эди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг