Юртимизга Эрондан илиқ ҳаво массалари кириб, ҳарорат кўтарилади
Республика Гидрометеорология маркази бошланган ҳафтада кутилаётган об-ҳаво маълумотини эълон қилди.
Олдинги ҳафта охирида, совуқ об-ҳавони вужудга келтирган антициклоннинг совуқ переферияси таъсири пасая бошлади.
Бугун ва эртага республиканинг барча ҳудудларида кам булутли об-ҳаво бўлиши кутилмоқда, кундуз кунлари қуёш ҳаво ҳароратини 3-8о илиқгача кўтаради, кечалари эса 3-6о совуқ атрофида, баъзи жойларда 8о совуқгача бўлиши сақланиб туради.
Кейинги кунларда республика ҳудудларига Эрондан илиқ ҳаво массалари кириб келиши бошланади.
Барча ҳудудларда асосан кам булутли об-ҳаво бўлиши кутилмоқда. Ҳарорат аста-секин кўтарилади ва ҳафтанинг охирига келиб кечалари 0-3о илиқ, кундуз кунлари 12-15о илиқ бўлади, бу иқлим меъёрларидан 4-6о га юқоридир.
25-27 январда республиканинг тоғли ҳудудларида қор кўчиши хавфи сақланиб туради.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter